HUSU

HUSU (HUmor SUnda)

Tua Tapi Masih Ngabujang

Di hiji kampung, aya jalmi ngarana somad, umurna tos 39 tahun tapi masih ngabujang, sifatna jeung kalakuanana siga budak, kulantaran si ujang teh sapopoena sok nyieunan bandring jeung sok ngabandringan manuk. Ari emak na sok ngahawatirkeun keur masa depan nana kulantaran umur si ujang teh tos kolot.

Pas dinteun minggu isuk-isuk si somad jeung emakna keur didapur keur ngobrol:

Emak: "Mad ari maneh teh iraha rek kawin?"
Somad: "Ah engke weh ma! kalem.." (sabari ngoprek bandring)
Emak: "Yeh... ari maneh! Emak teh hayang boga incu mad!"
Somad: "Nya, ke ceuk somad oge!" (jongjon ngome bandring)
Emak: "Mad nyaho teu ari carana kawin teh?"
Somad: "Nyaho atuh mak, piraku weh... teu nyaho mah!"
Emak: "Kumaha coba carana?" (ngaharepkeun si somad nyaho)
Somad: "Kan kieu ma, kahiji.. Buka bajuna.."
Emak: "Terus..?"
Somad: "Kadua.. buka calanana.."
Emak: "Terus.. trus..?" (panasaran)
Somad: "Katilu.. pas katingali cangcut na.. euhhh.."
Emak: "Geningan pinter somad teh, terus terakhir na kumaha?"
Somad: "Ih nya enya atuh ma pinter, terus... cabak cangcut na.."
Emak: (sura-seri tos bungah) "Terus..!"
Somad: "Buka cangcutna, jieun bandring weh cangcutna!"
Emak: "Goblog siah.. budak teh ngagawean emak!"
Somad: (Cengar-cengir si teu boga dosa)

Gingseng Pemere

Harita waktu kuring keur rineh diharepeun imah keur ngopi bari jeung udud daun kawung, teu ngahaja katingali aya hayam keur kawin meuni ku lila, dabiasana ari kawin hayam mah mun kawin ngan sajorelat, atuh puguh kukuring diperhatikeun saecesna. meuni heran teu kapikir ku akal. ah teu gujrud ka batur da era bisi jadi matak.

Poe isukna kitu deui eta hayam malah leuwih lila ti kamari, jadi kuring panasaran arek gujrud ka batur era bisi majarkeun mata karanjang kajeun ningali hayam oge.

Kitu jeung kitu deui eta hayam teh, kuring panasaran nya akhirna kuring betus bebeja ka kang Maman tatangga sabeulah imah, malah kang Maman oge panasaran naha bener omongan kuring kitu teh, naon anu jadi cukang lantaranna.

Sore na waktu kuring arek ka cai tukangeun imah ngarasa kaget, yen pelak gingseng anu dina kaleng urut biskuit pamere Kang Husin oleh oleh ti Korea tea geus burundul dipacokan hayam, euh pantesan hayam ge sakitu kuatna ngahakanan gingseng pelak kuring !

Jelema Pang Bodona Sadunya

Deden jeung Dadan tatarucingan.

Deden: "Dan! Ari jelema pang bodona di dunya ieu jelema naon?"
Dadan: "Anu gelo!"
Deden: "Lain!"
Dadan: "Diajak ulin, diajak dahar!, dibere duit, teu daek!"
Deden: "Lain!"
Dadan: "Naon atuh! taluk aing mah!"
Deden: "Jelema nu pang bodona di dunya ieu aya tilu: anu kahijina tukang delman, anu kadua tukang ngangon munding, anu katiluna anu ngapdreuk pas photo."
Dadan: "Naha kumaha kitu?"
Deden: "Pek tempo ku maneh eta tukang delman, ari awewe geulis jeung sarareungit di tukangan!, ari bool kuda sakitu sareukseuk jeung bau teh disanghareupan, lamun tukang ngangon munding, ari dahar jeung lauk asin, ari daging anu sakitu gedena ditumpakan bae, lamun anu ngapdreuk pas photo, pek bandungan ku maneh: 'Mang! bade ngapdreuk pas photo! (ceuk anu ngapdreuk), sabaraha? (Ceuk tukang pas photo), 6 x 4 lima! (Ceuk anu ngapdreuk), mangga antosan (Ceuk tukang pas photo)', pan kitu pokna teh!, sakanyaho aing mah 6 x 4 teh pan 24!"
Dadan: "Sugan aing mah anu paling bodona sadunya teh anu diomongkeun ku maneh wungkul, gening maneh oge sarua bodona, maksudna pas photo 6 x 4 lima teh hartina lima lambar. Bisa bae ka batur ngomong bodo!, ari sorangan leuwih oon, oneng , jeung tolol."
Dadan: "Giliran aing lah mere tarucing ka maneh! Den! Cik ari pang panasna di dunya ieu naon?"
Deden: "Panon poe!"
Dadan: "Terus!"
Deden: "Nya enggeus!"
Dadan: "Salah!"
Deden: "Terus naon?"
Dadan: "Pang panasna di dunya ieu nyaeta: 'Moe maneh diluhur seng tengah poe ereng-erengan bari ngadurukan jeung nginum kopi panas. terus kabogoh direbut batur'"
Deden: "Sakalian siana diduruk ku aing!"
Dadan: "!!!????????"

(PUTRA)